დღეს მილანის ბრაზილიელი ნახევარმცველის დაბადების დღეა, მას 29 წელი შეუსრულდა. რონალდო დე ასის მორეირა ცნობილი როგორც რონალდინიო, დაიბადა 1980 წლის 21 მარტს, ბრაზილიის ქალაქ პორტუ-ალეგრიში. ბრაზილიელი ევროპაში 21 წლის ასაკში აღმოჩნდა, როცა გრემიოდან გადავიდა საფრანგეთის პსჟ-ში. მის გულშემატკივრებისთვის ყველაზე დასამახსოვრებელი დრო იყო, როცა ის გამოდიოდა ბარსელონაში, სადაც რონალდინიო გუნდის ლიდერი გახდა და 145 თამაშში 70 გოლი გაიტანა. ამ სეზონის დასაწყისში რონალდინიო მილანში გადმოვიდა, მისი მილანთან ადაფტირება სწრაფი ტემპით მიმდინარეობს და იმედია მომდევნო სეზონისთვის ძველ რონალდინიოს ვიხილავთ, რომელიც ყველას აჯადოვებდა თავისი თამაშით. www.milan.ucoz.de -ს ადმინისტრაცია ულოცავს რონის დაბადების დღეს, ყოველივე საუკეთესოს და კიდევ ბევრი ტიტულების მოგებას უსურვებს უკვე მილანთან ერთად.
ნანახია: 2888 |
დაამატა: milan
| რეიტინგი: 0.0/0 |
