მთავარი » 2009 » მარტი » 6 » კაკას ბექჰემის თანაგუნდელობა მომავალშიც სურს
კაკას ბექჰემის თანაგუნდელობა მომავალშიც სურს
20:44
ბრაზილიელმა ნახევარმცველმა კაკამ, “მილანში” დევიდ ბექჰემის თამაშს მაღალი შეფასება მისცა და იმედი გამოთქვა, რომ ინგლისელი ვარსკვლავი იტალიურ გრანდში ასპარეზობას გააგრძელებს. კაკას მოსაზრება Sporting Life-მ გაავრცელა. “შესაძლოა, თავდაპირველად ბექჰემის მოწვევა მარკეტინგული ნაბიჯი უფრო იყო, მაგრამ ამჟამად გვესმის, რომ ის ფუნდამენტალური მოთამაშეა. მისმა გადაცემებმა და გოლებმა, ბოლო მატჩებში გადამწყვეტი როლი ითამაშა. ვიმედოვნებ, რომ ბექჰემის ტრანსფერის შესახებ, “მილანი” “ლოს ანჯელეს გელექსისთან” მოლაპარაკებას შესძლებს. მას მომავალში ჩვენთვის დიდი დახმარების გაწევა შეუძლია” - თქვა კაკამ. ამერიკული “ლოს ანჯელეს გელექსის” კუთვნილი დევიდ ბექჰემი, იჯარის წესით “მილანის” ღირსებას 2009 წლის დასაწყისიდან იცავს. შავ-წითელი მაისურით მან იტალიის სერია A-ში 7 მატჩი ჩაატარა და 2 გოლი გაიტანა. სულ მალე, “მილანისა” და “ლოს ანჯელეს გელექსის” ხელმძღვანელები ინგლისელი ნახევარმცველის მომავლის შესახებ მოლაპარაკებას გამართავენ.
ნანახია: 1117 |
დაამატა: milan
| რეიტინგი: 4.0/1 |
ბრაზილიელმა ნახევარმცველმა კაკამ, “მილანში” დევიდ ბექჰემის თამაშს მაღალი შეფასება მისცა და იმედი გამოთქვა, რომ ინგლისელი ვარსკვლავი იტალიურ გრანდში ასპარეზობას გააგრძელებს.